Tumba 2010 - Mi pueblo a mandami - Elia Isenia
04 Feb 2010
Komposishon: Mi pueblo a mandami Outór di melodia i letra: Doña Elia Isenia Areglista: Jose “Uti” Gregorio Agrupashon músikal: Gio Fuertisimo Kantante: Doña Elia Isenia

Mi pueblo a mandami

Koro : Ho Ho Hooooi he he ha

Ser’i Sho’ana m’a subi tende hende ta yamami

Koro : Ho Ho Hooooi he he ha

Mi tin ku presentá paso mi pueblo ta wardami

Kupido b’a flecha mi pueblo manera pèn di un eskritor

Ideanan a transformá manera kachu di biná

Ku tur aña ta renobá

Semper Kòrsou a duna honor na tantu arte i músika

Awe m’a keda konfrontá ku’n mandato maestral

Pa mi eksponé un Galeria ku tur historia di karnaval

Pregon largu :

Mucha manda mi ta pa trabounan keda kla { Etribiyo }

Un Galeria yen di amor ku norma i balor

Den kaya m’a trah’é rònt  mundu por mir’é

Sinkuria mes ta un Pataka pa esnan ku a lubidá

Shon Bènchi ku Merien nan dos a konopá

Pregon: Bonche                                                         Koro:

Hende a bola Shon Grandi a duna                              T’esaki t’esun

Até galeria pa mi pueblo gosa

Wardami, wardami

Wak e den su kara anto bis’é t'esaki t’esun (2x)

At’e ko, tum’é ko

At’e ko, sintié ko

Zub, zub zub

Pregon kòrtiku :                                                        Koro kòrtiku :

Hé é éééé tende gritu                                                  T’esaki

Ata e yabi, habri porta drenta

(2x)

Pueblo manda b’a mandami

Duna m’a dunabu

Un galeria yen di amor ku norma i balor

Disfras dje gruponan den un vitrina konservá

Historia di Karnaval saká fo’i archivo nashonal

Bo ta kòrda e ruta? Su historia ta eiden

Drenta Otrobanda, mi hemut a yena

Drenta bin mir’é, para bo gos’é  (2x)

Tende tumba, skuch’é ritmo

Aiiiis, esta nechi e galeria a keda

T’esaki te ko, t’esaki t’esun  (4x)

Palabranan straño i filosofia tras di mi tumba

Mi pueblo a mandami:

Titulo ku mi haña serka un habitante di Sta. Martha.

Dor di e mandato aki m’a disidí pa bai e di 40 Festival di Tumba.

E galeria:

E filosofia di e galeria ta henter e ruta di karnaval.

Ser’i Sho’ana:

E seru aki ta keda dilanti Lanthùis Klein Sta. Martha.

Fantasia rondó di e tumba:

Pueblo a mandami eksponé un Galeria ku tur historia di karnaval era nobo.

Kupido a flecha mi pueblo:

Karnaval ta dia di San Valentino, anto kupido a yena e pueblo yen di pas i amor p’asina duna mas balor na loke ta Kòrsou su folklor.

Pen di eskritor:

Un eskritor ta drenta te den alma di un pueblo òf un individuo.

Mucha mandá:

Un ekspreshon ku semper nos grandinan a uza, ku awendia ta ménos uzá.

Sinkuria mes ta un Pataka:

Kon ku e hende ta, e tambe ta hende. Sinkuria plùs pataka ta nòmber di sèn. Nan no ta bal mes tantu, pero kada un tin su balor.

[Sinkuria = Fl. 0,75 i un Pataka = Fl. 1,20]

Kachu di biná tur aña ta renobá:

Tur aña biná ta haña kachu nobo. Meskos tur aña nos tin e fiesta di karnaval.

Shon Grandi:

Otro palabra pa Dios.