Pa Karnaval 2010: Fo'i apertura te klousura, Kòrsou su karnaval...........un dulsura!

Partisipantenan na Elekshon Rei i Reina Tiner i Reina, Prens i Pancho a keda instalá Den kuadro di e selebrashon di 40 aña Karnaval di Kòrsou,

Fu.De.Ka. a bin ku un idea grandioso di presentá su partisipantenan na Elekshon Reina, Prens i Pancho grandi i Rei i Reina Tiner 2010 riba Brionplein na pueblo di Kòrsou den un anochi ku a hiba titulo; “Glow in the dark !”Un evento ku a uni grandi i chikí den un ambiente yena di dulsura, den mesun rosea Fu.De.Ka. a anunsiá e ganadó apsoluto di nan konkurso di lema pa Karnaval 2010.

Den luna di sèptèmber Fu.De.Ka. a ranka sali ku e konkurso di lema pa Karnaval 2010.

Nos ta sumamente kontentu ku tur e 90 lemanan ku nos a risibí, un total di 59 persona a manda lema. For di e 90 nan aki e komishon presidí pa sr. Frank Rosina a skohe 5 nominado; 1. Habri brasa i kurason pa Karnaval su selebrashon. 2. No keda kas, sali pega su tras, Karnaval 40 si ta bas. Fo’i apertura te klousura, Kòrsou su (Karnaval 40) …. un dulsura! 4. Karnaval 40 tin dulsura fo’i apertura te klousura. 5. Huntu nos a logr’é, huntu nos ta selebre. I despues di a hasi un adaptashon chikí, laga nos presentá e lema ganadó:

Lema nr 49: Fo'i apertura te klousura, Kòrsou su karnaval...........un dulsura! Ganadó Sharine Dambruck.

Huntu ku e bunita diseño di un hóben dinámiko Crystal Boomgaart, esaki lo bai bira e KARA di selebrashon 40 aña Karnaval di Kòrsou!